Nıkolaı Kostov «Aqtóbe» fýtbol klýbynyń tizginin ustady
ASTANA. KAZINFORM - Bolgarııalyq Nıkolaı Kostov «Aqtóbe» fýtbol klýbynyń bas bapkeri atandy.
Buǵan deıin 63 jastaǵy maman tájirıbeli jattyqtyrýshy Kıpr, Ýkraına, Qazaqstan jáne Bolgarııa klýbtarynda qyzmet etti. 2002 jyly «Anortosıspen» Kıpr kýbogyn jeńip alǵan. Qazaqstanda «Shahter» (Qaraǵandy) men «Kaspıı» (Aqtaý) klýbtaryn jattyqtyrdy.
Sońǵy jumys orny - Bolgarııanyń «Levskı» fýtbol klýby. 2023-2024 jyldary bapker komanda tizgininde 35 oıynnyń 19 jeńip, 7 oıynda teń túsip, 9 oıynda jeńilis tapqan.
Aıta ketsek, bıyl aqtóbelik klýb úshinshi márte bapker aýystyryp otyr. Jyl basynda ýkraınalyq Igor Leonov bas bapker qyzmetin atqarsa, odan keıin Vıacheslav Levchýk tizgindi ustady.
Qazir komanda týrnır kestesinde 33 upaımen tórtinshi orynda keledi. Endi olar 17 tamyzda óz alańynda Kókshetaýdyń «Oqjetpesin» qabyldaıdy.
Eske salsaq, budan buryn «Qaırat» Chempıondar lıgasynyń pleı-off satysyna shyqty.