Nıkolas Madýro Venesýela prezıdentiniń laýazymyna kiristi
ASTANA. 20 sáýir. QazAqparat - Venesýelanyń Ulttyq assambleıasynda eldiń saılanǵan prezıdenti Nıkolas Madýrony ulyqtaý rásimi ótti.
Atalǵan saltanatty sharaǵa Brazılııa, Kýba, Kolýmbııa, Iran jáne basqa memleketterdiń basshylary qatysty.
VVS málimetine qaraǵanda, Karakas kóshelerinde jańa prezıdentti qoldaý maqsatynda myńdaǵan adamdar jınaldy. Aıta keteıik, Nıkolas Madýro saılaýǵa naýryzda qaıtys bolǵan Ýgo Chavestiń izbasary retinde qatysty.
Resmı derekterge qaraǵanda, Madýroǵa saılaýshylardyń 50,8 paıyzy daýys berdi, al onyń básekelesi, ıaǵnı oppozıtsııa ókili Enrıke Kaprıles 49,1 paıyz deńgeıinde daýys jınady.
Jaqynda Venesýela oppozıtsııasy resmı túrde daýysty qaıta esepteýdi talap etken bolatyn. Atalǵan eldiń Joǵarǵy soty budan buryn bıýlletenderdi qolma-qol qaıta esepteýdiń negizi joq ekenin málimdedi.
