Nıkolaev baıytý fabrıkasyn qalpyna keltirý jumystary 2013 jyldyń ekinshi toqsanynda aıaqtalady
Qalpyna keltirý jumystary fabrıkanyń kendi qaıta óndeý qýatyn 1,8 mln. tonnadan 2,2 mln. tonnaǵa deıin ulǵaıady. Mys, myrysh jáne qorǵasyndy attas kontsentrattarǵa bólip alý kólemi de ósedi. Sonymen qatar buryn mys, myrysh, qorǵasyn kontsentrattarynyń quramynda qalyp kelgen baǵaly metaldar bólek gravıtatsııalyq kontsentratqa bólinip alynatyn bolady.
«Shyǵystústimet» óndiristik birlestiginiń dırektory Amangeldi Mınıgýlovtyń aıtýynsha, qalpyna keltirýden keıin fabrıka jańa deńgeıge kóteriledi. Jabdyqtardy jańalaý óndiristik kórsetkishterdi arttyrýmen qatar, eńbek jaǵdaıyn jaqsarta túsedi. Atap aıtqanda bul jobanyń aıasynda usatý, flotatsııa, reagentterdi daıyndaý bólimderin jáne dozalaý alańyn qaıta qurý baǵdarlamasy jasaldy. Qoldanystaǵy dıirmenderdi jańalaý, sorǵy-gıdrotsıkldy qondyrǵylardy qurastyrý kózdelgen. Búgingi kúni monolıtti temir betondy joný, irgetasqa arnalǵan tas-topyraq qazý jumystary júrip jatyr. Tehnologııalyq jabdyqtardy, qubyrlardy qurastyrýǵa daıyndyq jasalyp, bir qalypty buıymdar, qubyrlardyń tireýleri, flotomashınalarǵa arnalǵan baǵanalar men arqalyqtar ázirlenýde.
Jalpy Nıkolaev baıytý fabrıkasy Shyǵys Qazaqstan oblysynyń Shemonaıha aýdanynda ornalasqan. Fabrıka 1980 jyly paıdalanýǵa berilgen jáne Artemev, ıÝbıleı-Snegırıha jáne Nıkolaev kenishteriniń kenin qaıta óńdeıdi. Sońǵy retonda qalpyna keltirý jumystary 2007 jyly júrgizilgen bolatyn.
