Nıkol Sherzınger qatysatyn kontsertke bıletter satylýda
ASTANA. 13 maýsym. QazAqparat - Astana qalasynyń kassalarynda «Asqaqtaı ber, Astana!» is-sharasy aıasynda Pussycat Dolls tobynyń eń bedeldi múshesi,
tanymal ánshi amerıkalyq ánshi Nıkol Sherzınger qatysatyn kontsertke bıletter satyla bastady. Bul jaıynda astana.kz saıtyna Astana qalasynyń 15 jyldyq mereıtoıyn uıymdastyrýshy komıtettiń medıatoby málim etti.
Jyl saıyn qala kúnine oraı Qazaqstan jáne shetel juldyzdarynyń qatysýymen ótetin biregeı gala-kontserti «Asqaqtaı ber, Astana!» elordanyń ózindik brendi retinde qalyptasyp úlgerdi.
Bıylǵy kontsert «Saryarqa» velotreginde ótedi. Kontsertke otandyq estradanyń tanymal ónerpazdarymen qatar álemdik jaryq juldyzdar qatynasady dep kútilýde.
Merekede Lýına, Álı Oqapov, Assyl etno-toby, «Arnaý» dýeti, Son Pascal, K-Rim, A-Stýdıo, Dıskoteka Avarııa, Potap pen Nastıa syndy óner juldyzdary eń tanymal týyndylaryn Astana qalasynyń 15 jyldyq mereıtoıyna arnamaq.
