Nıkol Pashınıan: EO-ǵa kirý úshin referendým ótkizýdiń qajeti joq
ASTANA. KAZINFORM — Armenııanyń premer-mınıstri Nıkol Pashınıan elde EO-ǵa kirý boıynsha referendým ótkizýdiń qajeti joq dep esepteıdi. Onyń aıtýynsha, Eýropalyq Odaq Armenııany qabyldaýǵa daıyn ba degen suraqqa jaýaptyń joqtyǵy - basty másele. Bul týraly Armenııa mınıstrler kabınetiniń basshysy Armenııa demokratııasynyń úshinshi forýmynda málimdedi.
«Jaqynda biz Ulttyq jıynda tyńdaýlardyń kýási boldyq. Ondaǵy negizgi ıdeıaǵa nazar aýdarsaq, olar referendým ótkizeıik (Armenııanyń EO-ǵa kirýi týraly), halyqqa osy ıdeıany qoldaýǵa múmkindik bereıik deıdi. Men Eýroparlament minberinen Armenııanyń EO-ǵa barynsha jaqyn bolýǵa daıyn ekenin aıttym. Men Armenııa halqy bul ıdeıany qoldamaıdy dep oılasam, mundaı málimdeme jasamas edim», — dep túsindirdi Nıkol Pashınıan.
Onyń aıtýynsha, Eýropalyq Odaq Armenııany qabyldaýǵa daıyn ba degen suraqqa jaýaptyń joqtyǵy basty másele.
«Búginde referendým ótkizetin bolsaq, úgit-nasıhat jumystaryn júrgizý kerek. Eger biz naýqan júrgizsek, azamattar qalaı, qashan, EO muny qalaı ma, joq pa, EO buǵan daıyn ba degen suraq qoıa bastaıdy. Men osy suraqtarǵa jaýap bere alamyn ba? Joq, bere almaımyn. Óıtkeni, búgin EO-da protsester júrip jatyr, biz bul protsesterdi baǵalaýymyz kerek. Eýroodaq elderinde saılaý ótip jatyr, onyń nátıjeleri, az degende, belgili bir suraqtar týǵyzady», — dep atap ótti Armenııa premer-mınıstri.
2023 jyldyń qazan aıynda Eýroparlamentte sóılegen sózinde Armenııa premer-mınıstri Nıkol Pashınıan Armenııa EO múmkindiginshe EO-ǵa jaqynyraq bolýǵa daıyn ekenin aıtty.
2024 jylǵy 21 maýsymda Armenııanyń Ulttyq assambleıasynda «Armenııanyń EO músheligine ótinishi boıynsha referendým ótkizý týraly usynysy» degen taqyrypta tyńdaý ótti.
