Nıkol Pashınıan birqatar joǵary laýazymdy sheneýnikterdiń otstavkaǵa ketýin talap etti
ASTANA. KAZINFORM — Armenııa premer-mınıstri Nıkol Pashınıan Facebook jelisindegi paraqshasynda keshe keshten beri birqatar mınıstrlikter men vedomstvo basshylarynyń otstavkaǵa ketýine qatysty qaýesetke túsinik berdi.
Armenııa mınıstrler kabınetiniń basshysy birqatar joǵary laýazymdy sheneýnikterge óz qyzmetterinen ketý týraly úndeý jasaǵanyn rastady.
— Qurmetti otandastar, baspasóz betterinde jáne áleýmettik jelilerde oryn alǵan aýqymdy talqylaýlardy eskere otyryp, men birqatar joǵary laýazymdy sheneýnikterge qyzmetinen ketý týraly ótinishpen júgingenimdi habarlaýdy qajet dep sanaımyn. Úndeýdiń sebepteri — jeke másele emes, men kópshilik aldynda aıtqan júıeli sebepter, — delingen Armenııa premer-mınıstriniń jazbasynda.
Jergilikti aqparat quraldarynyń habarlaýynsha, otstavkaǵa ketýge Іshki ister mınıstri Vage Kazarıan, Tergeý komıtetiniń basshysy Argıshtı Kıaramıan, Sybaılas jemqorlyqqa qarsy kúres komıtetiniń basshysy Sasýn Hachatrıan, Joǵarǵy sot keńesiniń basshysy Karen Andreasıan, aýmaqtyq basqarý jáne ınfraqurylym mınıstri Gnel Sanosıan, Memlekettik kirister komıtetiniń basshysy Rýstam Badasıan ótinish berdi.
Buǵan deıin Ázerbaıjan men Armenııa shekarany belgileý tártibin talqylaǵany habarlandy.
