Nıkol Pashınıan Astanada qazaqsha án tyńdap otyrǵan vıdeosyn jarııalady
ASTANA. KAZINFORM – Armenııa Premer-mınıstri Nıkol Pashınıan Astanada túsirilgen beınejazbasyn áleýmettik jelidegi paraqshasynda jarııalady.
Ol vıdeoda qolyn júrek formasynda túıistirip, rızashylyǵyn bildiredi. Rolıktiń fonynda qazaqstandyq BAYANSULU tobynyń «Aua rai» áni shyrqalady.
– Qaıyrly tań, kúnderińiz sátti ótsin! Barshańyzdy jaqsy kóremin AMKZ, – dep jazdy Pashınıan.
Beınejazba jeli qoldanýshylarynyń nazaryn aýdardy. Qazaqstandyqtar Pashınıanǵa «Qosh keldińiz!» dep yqylas bildirse, armıandyq jeli qoldanýshylary da jyly pikir qaldyryp jatyr.
Eske salaıyq, Armenııa Respýblıkasynyń Premer-mınıstri Nıkol Pashınıan resmı saparmen Astana qalasyna keldi.
Sonymen qatar qazaqstandyq bıdaıdyń sapasy Armenııada joǵary baǵalanatynyn jazǵanbyz.
Oǵan qosa, Ortalyq Azııa elderinen, sonyń ishinde Qazaqstannan shyǵatyn energoresýrstar Armenııanyń ońtústik aımaǵy arqyly ótetin TRIPP tranzıttik jobasy arqyly jetkizilýi múmkin degen boljamdy Kazinform agenttiginiń tilshisi armıan saıasattanýshysymen talqylaǵan edi.