Nıkol Pashınıan Armenııanyń UQShU-ǵa qatysýyn toqtatýǵa qatysty pikir bildirdi
ASTANA. KAZINFORM — Armenııa premer-mınıstri Nıkol Pashınıan Armenııanyń Ujymdyq qaýipsizdik týraly shart uıymynyń (UQShU) aıasyndaǵy qyzmetin «ýaqytsha toqtatý» saıası sheshim ekenin aıtty. Erevan UQShU seriktesterinen uıymnyń Armenııadaǵy jaýapkershilik aımaǵy qaı jerde ekenine jaýap berýdi suraıdy.
Nıkol Pashınıannyń aıtýynsha, eger uıym onyń jaýapkershilik aımaǵyn moıyndamasa, Armenııa UQShU-dan shyǵady. Bul týraly Armenııa premer-mınıstri baspasóz máslıhatynda málimdedi.
«Saıası ustanym men sheshimdi zańdy rásimdermen shatastyrýdyń qajeti joq. Iá, biz UQShU aıasyndaǵy qyzmetimizdi toqtatyp qoıdyq. Bul bizdiń uıymda ókildiń joqtyǵyn, otyrystarǵa qatyspaıtyndyǵymyzdy bildiredi», - dedi Nıkol Pashınıan.
Onyń aıtýynsha, Erevan UQShU seriktesterinen uıymnyń Armenııadaǵy jaýapkershilik aımaǵy qaı jerde ekenine jaýap berýdi suraıdy.
Nıkol Pashınıannyń aıtýynsha, eger uıym óz mindettemelerin oryndamasa jáne onyń jaýapkershilik aımaǵyn moıyndamasa, Armenııa UQShU-dan shyǵady.
Armenııa premer-mınıstri Nıkol Pashınıan France 24 telearnasyna bergen suhbatynda Armenııanyń UQShU-ǵa qatysýyn toqtatyp jatqanyn málimdedi.
