Nıkıta Shatalov: Memleket men qoǵamnyń basty mindeti – Qańtar oqıǵasynyń qaıtalanýyna jol bermeý
«Búgin Prezıdent órtenip ketken ákimdikke taqaý jerde qańtar oqıǵasy qurbandaryna arnalǵan «Taǵzym» memorıalyn ashty. Bul Qazaqstan úshin barynsha beıdástúrli eskertkish – kelýshiler adamdardyń beıneleriniń ornyna tarıhı tulǵalardyń – aqyndar, jazýshylar men saıasatkerlerdiń ulaǵatty sózderi jazylǵan aq jáne qara tústi tastardan turatyn keshendi kóredi. Sonymen qatar memorıal 2022 jyldyń basynda elimiz bastan keshirgen sol bir aýyr kúnderdi eske túsiretindeı, memleketimizdiń tarıhynyń metaforasyndaı jasalǵan», - dedi saıası sholýshy.
Onyń paıymynsha, qańtar oqıǵasy qurbandaryna arnalǵan «Taǵzym» memorıaly máni men maǵynasy sol sımvolǵa aınalýy tıis.
«Qazir ol jerdegi ahýal áli de bolsa úreıli. Degenmen, alańdaǵy ǵımarattar, onyń ishinde ákimdik qalpyna keltirilip, burynǵy Prezıdent parkiniń ornynda saıabaq paıda bolǵanda landshaft túbegeıli bezendiriledi. Jáne de sol ýaqytqa qaraı memorıal oryn alǵan jaıtty eske alý, qaza tapqandardy aza tutý nemese kerisinshe ózderi úshin mańyzdy máselelerdi alańsyz oılaýyna múmkindik beretin jerge aınalady. Eskertkishtiń tek aza tutatyn oryn ǵana emes, saıası kózqarastaryna qaramastan barlyǵy úshin de mańyzdy progreske umtylystyń sımvolyna aınalýy mańyzdy», - dep sanaıdy Nıkıta Shatalov.
N.Shatalov bir jylǵa jýyq ýaqyt ótkennen keıin Qańtar oqıǵasy – bul uıymdastyrýshylardyń beıbit azamattardy ózderiniń arsyz maqsattaryna paıdalanyp, memlekettik tóńkeris jasaýǵa sátsiz áreketi bolǵany sózsiz ekenin aıtady.
«Ashylý saltanatty sharasynda Prezıdent beıbit jıyn tasasynda memlekettik tóńkeris jasaýǵa nıettiler turǵan arandatýshylar men terrorıster paıdalanǵanyn kezekti márte atap ótti. Bul jaıynda Qasym-Jomart Toqaev daǵdarys eńserilgen sátten beri aıtyp keledi: qańtar aıynyń basyndaǵy jıyn beıbit azamattyq narazylyq bolǵanyn eshkim de joqqa shyǵarmaıdy. Biraq, ony keıin búlikshiler jáne olar uıymdastyrǵan talqandaýshylar toby men terrorıster paıdalanyp ketti», - dedi ol.
Saıası sholýshynyń aıtýynsha, qazirgi ýaqytta memleket pen azamattyq qoǵamnyń basty mindeti – mundaı qaıǵyly jaıttyń qaıtalanýyna jol bermeý jáne adamdardyń ekonomıkalyq jaǵdaıy týraly belgilerdi, olardyń eldegi saıası jáne áleýmettik jaǵdaıǵa qanaǵattanýshylyq deńgeıin óte tyńǵylyqty eskerý.
