Nıkıta Chırıýkın nysana kózdeýden álem chempıonatynda úzdik ondyqqa kirdi

ASTANA. KAZINFORM — Qazaqstandyq mergen Nıkıta Chırıýkın Dohada (Qatar) ótip jatqan nysana kózdeýden álem chempıonatynda úzdik ondyqqa endi.

Nıkıta Chırıýkın nysana kózdeýden álem chempıonatynda úzdik ondyqqa kirdi
Foto: QR UOK

Otandasymyz 25 metr qashyqtyqtan jyldam atylatyn tapanshamen nysana kózdeý saıysynda baq synady.

Іrikteý kezeńinde Nıkıta Chırıýkın 582 upaı jınap, toǵyzynshy orynǵa turaqtady. Onyń nátıjesi Ońtústik Koreıa ókili Lı Gonhekpen birdeı boldy. Alaıda koreıalyq mergen ishki ondyqqa kóbirek tıgizgendikten (25 qarsy 24), segizinshi orynǵa ıe bolyp, fınalǵa joldama aldy.

Osylaısha, qazaqstandyq sportshy fınalǵa bir qadam jetpeı, jarysty aıaqtady. Іrikteý kezeńiniń nátıjesi boıynsha úzdik segiz mergen aqtyq synǵa ótti.

Fınalda Germanııa ókili Florıan Peter jeńimpaz atandy. Frantsııalyq Kleman Bessage kúmis medal ıelense, onyń otandasy Jan Kıkampýa qola júldeger atandy.

Eske salaıyq, buǵan deıin Irına ıÝnýsmetova Qazaqstan quramasyna osy álem chempıonatyndaǵy alǵashqy medaldi syılaǵan edi. Ol 50 metr qashyqtyqtan tapanshamen nysana kózdeý saıysynda qola júldege ıe boldy.