Nıkaragýadaǵy Santıago janartaýy ulttyq saıabaqtaǵy órtke sebep boldy
ASTANA. 2 mamyr. QazAqparat - Nıkaragýa astanasy Managýanyń ońtústik-shyǵysynda 23 shaqyrym jerde ornalasqan Santıago janartaýynan balqyp aqqan taý jynystary ulttyq saıabaqtyń órtenýine sebep boldy.
Qazirgi kezde atalǵan saıabaq ýaqytsha jabyldy, dep habarlady ITAR-TASS agenttigi.
Aımaqtyq zertteý ulttyq ınstıtýty ókilderiniń habarlaýynsha, taý bókterinde ornalasqan eldi mekender zardap shekpegen kórinedi.
Lavanyń tasqyndaı aǵýy saldarynan 1,5 gekter aýmaqty jalyn sharpyǵan. Qazirgi ýaqytta munda órtti sóndirý sharalary atqarylyp jatyr.
