Nıkaragýadaǵy qatty zilzala dúrbeleń týǵyzdy
ASTANA. Aqpannyń 25-i. QazAqparat - Nıkaragýanyń batys jaǵalaýlarynda sársenbi kúni, aqpannyń 24-inde terbelisi 5,9 balldyq zilzala boldy,
dep habarlaıdy QazAqparat Reuters agenttiginiń saıtyna silteme jasap.
Jerasty dúmpýleriniń kindigi Managýadan - Nıkaragýanyń astanasynan 120 shaqyrym qashyqtyqta Tynyq muhıtta oryn aldy.
Qurban bolǵandar men qıraǵandar týraly habar túsken joq. Alaıda jerasty dúmpýleri Nıkaragýanyń Leon, Masaı jáne Granada sııaqty iri qalalaryndaǵy turǵyndar arasynda dúrbeleń týǵyzdy.
1972 jyly bolǵan joıqyn zilzala saldarynan Nıkaragýanyń astanasy tolyqtaı qıraǵan bolatyn.
