Nıkaragýada túrmeni bosatý úshin 8 myń jazasyn óteýshini bostandyqqa shyǵardy
ASTANA. QazAqparat - Nıkaragýada tolyp qalǵan túrmeni bosatý úshin segiz myńnan astam jazasyn óteýshini túrmeden bosatty, delingen el úkimetiniń málimdemesinde.
Úkimetke silteme jasap Frans Press agenttigi habarlaǵandaı, sottalý merzimi bes jylǵa deıin belgilengen 8149 jazasyn óteýshi bostandyqqa shyǵaryldy. Budan basqa, 94 sheteldik ári qaraı jazasyn óz otanynda óteýge jiberildi.
RIA Novostı habarlaǵandaı, barlyq jazasyn óteýshiler 2014 jyldan bastap qazirgi ýaqytqa deıin merziminen buryn bosatyldy. Úkimet habarlamasynda qazirgi sátte Nıkaragýa túrmelerinde sottalýshylar sany qansha ekendigi naqtylanbady. Sonymen birge, Nıkaragýa adam quqyqtary boıynsha úkimettik emes ortalyqqa silteme jasap agenttik habarlaǵandaı, ótken jyly eldiń penıtentsıarlyq oryndarynda 10,5 myń jazasyn óteýshi bolǵan. Bul Nıkaragýa túrmeleriniń syıymdylyǵynan eki esege kóp.
