Nıkaragýa ıÝNESKO quramynan shyǵyp ketti

ASTANA. KAZINFORM — Nıkaragýanyń ıÝNESKO-dan shyǵýyna eldegi oppozıtsııalyq La Prensa gazetine ıÝNESKO syılyǵy berilýi túrtki boldy, dep habarlaıdy AZERTADJ.

Agenttik málimetinshe, Nıkaragýa úkimeti ıÝNESKO-nyń sheshimin aıyptap, onyń «otanyn satqandarǵa, kolonıalızm men ımperıalızmniń quldary men jaǵympazdaryna» basymdyq beretinin málimdedi. Sondaı-aq uıymnyń «obektıvtilik seziminen tolyq bas tartqanyn» atap ótti.

ıÝNESKO-nyń bas dırektory Odre Azýle eldiń bul sheshimine «ókinishin» bildiretinin aıtyp, bul «Nıkaragýa halqyn bilim jáne mádenıet salasyndaǵy yntymaqtastyq artyqshylyqtarynan aıyratynyn» alǵa tartty. Azýleniń aıtýynsha, uıym sóz bostandyǵy men baspasóz erkindigin qorǵaý jónindegi mandatyn «tolyq oryndap jatyr».

Tórt jyl buryn La Prensa basshylyǵy ne qamaýǵa alyndy, ne Nıkaragýadan shyǵarylǵan edi. Sodan beri basylym onlaın formatta jumys istep keledi. Al onyń komandasy Kosta-Rıka, Ispanııa, Meksıka, Germanııa jáne AQSh-ta ornalasqan.

Osyǵan deıin AQSh ákimshiligi BUU, ıÝNESKO jáne DDSU uıymdaryna jarna tóleýdi ýaqytsha toqtatýdy usynǵanyn jazǵanbyz.

Budan bólek 2026 jyly Qazaqstannyń 11 eskertkishin ıÝNESKO tizimine engizý josparlanyp otyrǵany anyqtaldy.