Nıkaragýa endi saılaý ótkizbeıdi
ASTANA.KAZINFORM - Ortalyq Amerıka eliniń 80 jastaǵy prezıdenti Danıel Ortega oppozıtsııanyń bılikke kelýine jol bermeý úshin Nıkaragýa aldaǵy ýaqytta saılaý ótkizbeıtinin málimdedi, dep habarlaıdy The Guardian.
2007 jyldan beri prezıdent qyzmetin atqaryp kele jatqan Ortega ózi basqaratyn Kongresspen birlesip, oppozıtsııaǵa qarsy «qorǵanys jasaıtyn» jańa zań qabyldanatynyn aıtty.
-Oppozıtsııalyq partııalardyń úkimetti, bılikti basyp almaýy úshin munda endi saılaý bolmaıdy, - dedi ol Sandınısta revolıýtsııasynyń 47 jyldyǵyna arnalǵan merekelik sharalar kezinde.
Nıkaragýanyń sońǵy prezıdenttik saılaýy 2021 jyly ótti. Kelesi saılaý 2027 jylǵa josparlanǵan.
2021 jylǵy saılaý naýqany kezinde el partııalarǵa tyıym salyp, barlyq oppozıtsııadan prezıdenttikke kandıdattardy túrmege japqan bolatyn.
Buǵan deıin Nıkaragýa FAO-dan shyǵatynyn jarııalady.
