Nıkaragýa áýejaıynyń mańyna shaǵyn meteorıt qulady
ASTANA. QazAqparat - Nıkaragýa astanasy Managýa áýejaıynyń mańyna shaǵyn meteorıt qulap, dıametri 12, tereńdigi 5 metrlik ura paıda boldy, dep habarlaıdy ITAR-TASS.
Metıorıt qulaǵan jerde onyń qaldyqtaryn zertteý úshin sol eldiń ǵalymdary men áskerılerinen quralǵan komıssııa jumys júrgizip jatyr. Bul týraly el Úkimetiniń arnaıy ókili Rosarıo Mýrılo baspasóz maslıhatynda málimdegen. Nıkaragýa ınstıtýtynyń mamany Vılfrıd Shtraýhtyń aıtýynsha, meteorıt senbi kúni jergilikti ýaqytpen 23:04-te qulap, azdap jer silkingen.
