Nıgerııanyń shyǵysyndaǵy túrmeden 120 adam qashyp ketti
ASTANA. 25 naýryz. QazAqparat - Ótken jumada bir top sodyrdyń shabýylynan keıin Nıgerııanyń shyǵysyndaǵy abaqtydan 120-dan astam sottalýshy qashyp ketti.
Bul jaıynda shekaralas ornalasqan Adamava shtatynyń bıligi habarlady.
VVS málimetine qaraǵanda, shabýyl jasaǵandar túrmeniń qaqpasyn buzyp, kameralardyń esikterin ashqan kórinedi. Polıtsııa ókilderiniń habarlaýynsha, qarýdan jaraqat alǵan qamaýdaǵy bir ǵana adam qasha almaǵan.
Kamerýn shekarasy mańyndaǵy Gane qalasynda sodyrlar shabýylynyń nátıjesi 25 adamnyń ólimine ákeldi. Buǵan qosa, qarýly shabýyldardan qalalyq bank pen polıtsııa bólimi de shet qalmady. Sonymen qatar, olar jergilikti tavernaǵa da oq jaýdyrǵan eken.
Bılik ókilderi atalǵan shabýyldardy «Boko Haram» toby uıymdastyrdy dep topshylap otyr. Óıtkeni, olar sońǵy jyldary Nıgerııanyń soltústigi men shyǵysynda belsendilik tanytyp otyr.
