Nıgerııanyń ońtústiginde sodyrlar 15 balany urlap áketti
ASTANA. Qyrkúıektiń 28-i. QazAqparat - Nıgerııanyń ońtústiginde sodyrlar oqýshylar avtobýsyn basyp alyp, 15 balany urlap áketti, dep habarlaıdy RBK agenttigi.
Oqıǵa afrıkalyq memlekettiń ońtústik-shyǵysynda keshe bolǵan, biraq ol týraly búgin ǵana málim bolyp otyr. Qylmyskerler basyp alǵan avtobýsqa minip, belgisiz baǵytta izderin jasyrǵan. Nıgerııa polıtseıleriniń aqparaty boıynsha, álgiler balalardy bosatý úshin 20 mıllıon nıgerııalyq naır (128,9 myń dollar) talap etip otyrǵan kórinedi.
Qazir balalardy izdeý sharalary júrgizilýde.
