Nıgerııanyń aýqattylary Ramazan aıynda 200 myń adamdy tamaqtandyrmaq
ASTANA. 23 shilde. QazAqparat - Nıgerııanyń aýqatty adamdary men qaıyrymdylyq qorlary Ramazan aıynda qaıyrymdylyq tanytyp, jaǵdaıy tómen adamdarǵa aýyzashar uıymdastyrmaq. «Qasıetti aıda 200 myń adamdy tamaqtandyrý - bizdiń basty maqsatymyz», - dedi aýyzashardy uıymdastyrý Deen Communications birlestiginiń ókili Mýddasır Olanııı Sanýt.
«Deen Communications birlestigi Ramazan aıynyń basynan bastap Nıgerııanyń Lagos, Abýdj, Port-Harkýr, Kano qalalarynda aýyzashar uıymdastyryp keledi. Al aýqatty musylmandar men basqa birlestikter Nıgerııanyń Ilorın, Djos, Borno, Iob, Kadýn qalalarynda aýyzashar uıymdastyryp júr. Mýddasır Olanııı Sanýttyń aıtýynsha, Nıgerııada «Bir adamdy bolsa da tamaqtandyr» atty aktsııa áli de óz jalǵasyn tabady. Al aıt kúnderi Nıgerııanyń túpkir-túpkirinde 20 000 adamdy tamaqtandyrý da josparlanǵan» dep jazady muftyat.kz.
Nıgerııalyq saıasatkerler de qaıyrymdylyq jasaýda qalyspaı, túrli deńgeıde aýyzasharlar uıymdastyryp júr. Mysaly, senat múshesi Býkola Sarakı óziniń uıymdastyrǵan is-sharalaryn áleýmettik jeli arqyly jarııalaǵan eken. Ol atalǵan shara týraly: «Bizdiń istep jatqan is-sharalarymyzdyń jarııalanýy, rııa retinde emes, kerisinshe, kómekke muqtaj jandarǵa ýaqytyly kómek kórsetilý úshin jasalyp otyr»,- dep qaıyrdy.
