Nıgerııanyń soltústiginde qarýly toptyń shabýylynan 52 adam mert boldy

ABÝDJA. KAZINFORM – Nıgerııanyń soltústigindegi Plato shtatynda birneshe kún boıy sodyrlardyń birqatar shabýyldary saldarynan 52 adam qaza taýyp, 2000-ǵa jýyq adam úılerin tastap ketýge májbúr boldy. Bul týraly Nıgerııanyń tótenshe jaǵdaılardy basqarý ulttyq agenttigi habarlaǵan.

— Sebebi ázirge belgisiz. Shabýyldar ótken aptada Bokkos aýdanyndaǵy alty aýylda boldy. Bul 2023 jyldyń jeltoqsanynan bergi aımaqtaǵy eń iri zorlyq-zombylyq oqıǵasy. Sol kezde osy aýdanda 100-den astam adam qaza tapty», — delingen habarda, dep jazady Report.

Plato shtaty uzaq ýaqyt boıy fermerler men malshylar arasyndaǵy shıelenis pen merzimdi qaqtyǵystardyń aımaǵy bolyp keledi.

Aıta keteıik, buǵan deıin ótken jyldyń qarasha aıynda Nıgerııada «Boko Haram» lańkesterimen qaqtyǵystarda 15 sarbaz qaza tapqanyn jazǵan edik.

Dál osy top qyrkúıek aıynda Iobe shtatyndaǵy Mafa aýylyna shabýyl jasap, 80-ge jýyq adamnyń ómirin qıdy.