Nıgerııanyń ońtústiginde uıymdastyrylǵan jármeńkede 32 bala mert boldy

ASTANA. KAZINFORM – Oqıǵa Nıgarııanyń ońtústigindegi Oıo shtatyndaǵy jármeńke kezinde boldy, dep jazady Túrkııanyń Anadoly  agenttigi.

Jergilikti úkimet ókiliniń aıtýynsha, Nıgerııanyń ońtústigindegi Oıo shtatynyń astanasy Ibadan qalasynda ótken jeke jármeńkege jınalǵan adamdar arasynda qysylyp qalǵan 32 bala mert bolǵan. Sonymen qatar, kóptegen adamdar jaralanǵan.

Zardap shekkender jaqyn mańdaǵy aýrýhanalarǵa jetkizilgen, oqıǵa boıynsha tergeý júrip jatyr.

Oıo shtatynyń gýbernatory Sheıı Makınde jármeńke uıymdastyrýshylary ustalǵanyn málimdegen.

Buǵan deıin Nıgerııanyń Benýe shtatynda jolaýshylar kemesi sýǵa batyp, 20 adam mert bolǵanyn habarlaǵan edik.

Qarasha aıynyń sońynda da Nıger ózeninde qaıyq aýdarylyp, 27 adam qurban bolǵan.