Nıgerııanyń eks-prezıdenti Muhammadý Býharı qaıtys boldy

PRETORIıA. KAZINFORM — Nıgerııanyń burynǵy prezıdenti Muhammadý Býharı 83 jasynda Londondaǵy aýrýhanada kóz jumdy. Bul týraly eldiń burynǵy kóshbasshysynyń baspasóz hatshysy Garba Shehý habarlady, dep jazady TASS.

— Burynǵy prezıdent Muhammadý Býharıdiń otbasy onyń qaıtys bolǵanyn jarııalady, — dep jazdy ol X áleýmettik jelisinde.

Muhammadý Býharı Nıgerııa prezıdenti qyzmetin 2015 jyldan 2023 jylǵa deıin atqarǵan. GhanaWeb portalynyń málimetinshe, onyń bıliginiń sońǵy birneshe jyly densaýlyǵyna baılanysty qıyndyqtarmen ótti, sol sebepti ol Ulybrıtanııaǵa jıi ári uzaq merzimdi em qabyldaýǵa ketip júrgen.

Aıta keteıik, buǵan deıin Nıgerııadaǵy qarýly shabýylda 34 sarbaz qaza tapqanyn jazdyq.