Nıgerııalyqtyń asqazanynan 79 myń eýro tabyldy
ASTANA. QazAqparat - Frantsııadaǵy Strasbýrgte kedenshiler iri somadaǵy aqshany ótkizýge árekettengen nıgerııalyqty qolǵa túsirdi.
Afrıkalyq azamat qalalyq avtovokzal mańynda kezdeısoq ustalǵan. Ony esirtki ısin sezgen ıisshil ıttiń kómegimen qolǵa túsirgen.
Teksere kelgende onyń qaltalary men shulyqtarynan 13 myń shveıtsarııalyq frank shyqqan.
Ustalǵan azamat bul aqshany ıspandyq kýrorttardyń birindegi meıramhanada ydys jýýshy bolyp eńbek etkende tapqandyǵyn aıtqan.
Biraq kedenshiler qosymsha tekserýge uıǵaryp, ony rentgenge túsirgen. Kúdiktiniń asqazanynan mol aqshanyń bar ekendigi kórindi. Qorytyndysynda 200 jáne 500 eýro salynǵan birneshe shaǵyn qaltalar shyqty. Sanaı kelgende ol 79 myń eýroǵa jetken.
Qazir nıgerııalyq qamaýǵa alyndy. Oǵan kontrabanda jáne aqshany jylystatý boıynsha aıyp taǵyldy, dep habarlaıdy BFMTV.
