Nıgerııalyq týrıst Túrkistanda asyq atyp, jebe tartyp júr
Ulystyń uly kúni – Naýryz merekesine oraı ıÝNESKO-nyń búkilálemdik materıaldyq emes mádenı muralar tizimine engen asyq atý, toǵyzqumalaq syndy ulttyq oıyndardan jarys ótti.
Sonymen qatar, stýdentter men eresekter arasynda gir tasyn kóterý, komandalyq arqan tartý, jebe tartý saıysy boıynsha da jarystar uıymdastyryldy.
«Ulystyń uly kúnin eń birinshi ulttyq sporttan bastap otyrmyz. Ata-babadan búginge jetken ulttyq oıyndarymyzdy Túrkistan qalasyna kelgen qonaqtarǵa dáriptep, búgingi sharaǵa qatysqan jankúıer jastarǵa keńinen nasıhattaý, eldigimizdiń irgeli qasıetin, úlgi-ónegesin tanytý - bizdiń basty maqsatymyz», - deıdi «Áziret Sultan» memlekettik tarıhı-mádenı mýzeı-qoryǵy dırektorynyń mindetin atqarýshy Ersin Tájibaev.
Saıys barysynda joǵary oqý oryndarynyń ustazdary men mýzeı qyzmetkerleri de baq synady.
Onyń ishinde nıgerııalyq týrıster de boldy.
Atap aıtar bolsaq, Eýropalyq ekonomıka, bıznes jáne quqyq joǵary kolledjiniń oqytýshy qyzmetin atqaryp júrgen Vakasai Bashir Aliyu gir tasyn kóterip, asyq atty.
Jebe tartyp, kúsh synasty.
Ulttyq oıyndardy tamashalap, shyǵý tarıhymen tanysty.
Jeńimpazdarǵa «Áziret Sultan» memlekettik tarıhı-mádenı mýzeı-qoryǵy atynan arnaıy aqshalaı syılyqtar men dıplom berildi.
