Nıgerııalyq sheber 5000 qasyqtan qus músinin jasap shyǵardy
ASTANA. QazAqparat - Nıgerııalyq músinshi 5 myń qasyqtan jumaq qusyn jasap shyǵardy, dep jazady 24.kz.
Onyń bul jumysyna nebári bir apta ýaqyt ketipti. Músinderi úshin qajetti materıaldy satyp alýǵa sheberdiń qarjysy jetpegen. Sol sebepti Abınoro Kollınz ony qoqystan jınap alady. Qasyqtan jasalǵan týyndylarynyń arqasynda sheber jergilikti jurttyń arasynda tanymal bolyp shyǵa keldi. Jumystary kórmege de qoıylady. Al bir músinniń baǵasy keıde 15 myń dollarǵa deıin jetedi eken.
