Nıgerııadaǵy jarylystan 54 adam qaza tapty
ASTANA. QazAqparat - Nıgerııanyń soltústigindegi Maıdýgýrı qalasynda bolǵan jarylys saldarynan 54 adam qaza taýyp, 90 adam jaraqattandy, dep habarlady «VVS» agenttigi.
««Boko haram» sodyrynyń Adjıları meshitinde qoldan jasalǵan jarylǵysh zatty iske qosqanyn jáne taǵy birneshe sodyrdyń týra sondaı quraldardy qalanyń aqparattyq-týrıstik ortalyǵynyń ǵımaratyna salǵanyn shamalap otyrmyz. Qazirgi kezde qurban bolǵandardyń jalpy sany - 54 adam», - dep habarlady Nıgerııa polıtsııasy.
Maıdýgýrı qalasy bar Borno shtaty sodyrlardyń shabýylyna jıi usharyp turady. Sońǵy úsh aıdyń ishinde «Boko Haram» tobynyń sodyrlaly kem degende 800 nıgerııalyq azamatty óltirdi.
