Nıgerııadaǵy sý tasqynynan 76 adam qaza tapty
ABÝDJA. QazAqparat - Nıgerııanyń ońtústik aýdandaryndaǵy sý tasqyny saldarynan jetpis alty adam qaza tapty, dep habarlaıdy QazAqparat tilshisi CNN-ge silteme jasap.
Anambra shtatynyń ońtústik shyǵysynda deńgeıi úıdiń shatyryna deıin kóterilgen tasqyn sýdan qashyp qutylamyz degen 80-nen astam adam mingen qaıyq aýdarylyp qaldy.
Eldiń tótenshe jaǵdaılar jónindegi ulttyq agenttiginiń málimetinshe tabıǵı apat saldarynan 600 myńnan astam adam turǵan jerlerin tastap ketýge májbúr boldy.
Anambradaǵy qaıǵyly oqıǵa bir apta buryn kórshiles soltústik-ortalyq Kogı shtatynyń bólikterin basyp ótken sý tasqynynyń joıqyn zardaptarynan keıin boldy.
Nıgerııanyń ulttyq ishki sý joldary basqarmasynyń málimeti boıynsha, sý tasqyny 13,22 metrde tirkeldi, bul 2012 jylǵy sý tasqyny kórsetkishi - 12,84 metrden asty.
Bıyl Nıgerııadaǵy sý tasqyny joıqyn boldy, saldarynan 300-ge jýyq adam qaza taýyp, jarty mıllıonnan astam adam zardap shekti.
Afrıka eliniń bıligi Nıger men Benýe ózenderiniń boıyndaǵy shtattarda apatty sý tasqyny bolatynyn eskertip, Nıgerııanyń úsh sý qoımasy tolyp ketýi múmkin ekenin túsindirdi.
Foto: edition.cnn.com
