Nıgerııadaǵy sý tasqynynan 500-ge jýyq adam qaza tapty
ASTANA. QazAqparat - Sońǵy aılarda, jańbyrly maýsym bastalǵaly beri, Nıgerııada sý tasqyny saldarynan 500-ge jýyq adam qaza tapty, 1,5 mıllıon azamat úıin tastap ketti, dep habarlaıdy QazAqparat Euronews.com saıtyna silteme jasap.
45 myńnan astam turǵyn úı qırady, 70 myń gektardan astam aýyl sharýashylyǵy alqaptary joǵalyp ketti.
Búkil el boıynsha joldar men ınfraqurylymnyń zaqymdanýyna baılanysty janarmaı jetispeıdi, Abýdjadaǵy janarmaı quıý beketterinde uzynsonar kezek paıda boldy. Tótenshe sý tasqynynyń saldary barlyq aımaqtardy qamtydy, halyqqa azyq-túlik daǵdarysy qaýpi tónip tur.
Aýa raıy boljamy boıynsha, qalyń jaýyn qarasha aıynyń sońyna deıin toqtamaıdy.
Buǵan deıin Avstralııadaǵy sý tasqyny týraly habarlanǵan bolatyn. Eldiń ońtústik-shyǵysyndaǵy Vıktorııa shtatynyń Melbýrn qalasynyń mańynda júzdegen úıdi sý basty.
