Nıgerııadaǵy saılaý jappaı tártipsizdikke ulasty

ASTANA. QazAqparat – Nıgerııada parlament saılaýy kezinde jappaı tártipsizdik boldy. Zań júzinde saılaý qorytyndysy senbi kúni tústen keıin jarııalaný kerek edi. Biraq uıymdastyrý qatelikteri men saılaý ýchaskelerine jasalǵan shabýyldar saldarynan keı aýdandarda daýys berý jeksenbi kúni biraq bastalǵan, dep habarlaıdy QazAqparat Euronews agenttigine silteme jasap.

«Bolyp jatqan oqıǵany eskersek, saılaý komıssııasynyń biliktiligine kúmán keledi. Bizge saılaýǵa deıin bári retimen ótedi, al nátıjesi elektrondy túrde beriledi dep aıtqan bolatyn», - deıdi saýdager Emeka Nvaııanvý.

Mundaı bylyqqa ulttyq valıýtanyń dızaınynyń ózgergeni de áser etti: bul ınflıatsııamen kúresý úshin jasalǵan amal edi, biraq saılaý kezinde bankterdegi haosqa alyp keldi. Jańa aqsha saılaýshylardy satyp alý úshin paıdalanylady degen aıyptaýlar da kezdesedi.

«Biz daýys bergimiz keledi, bul bizdiń azamattyq quqyǵymyz. Munda tańǵy 7-den beri turmyz, daýys bermeı eshqaıda ketpeımiz», - dedi Iola turǵyny Ahmed ıAhıa.

Nıgerııa saılaý komıssııasynyń basshysy bolyp jatqan oqıǵa úshin keshirim surap, másele sheshilgenin, al qaýipsizdik kúsheıtilgenin málimdedi. Degenmen saılaý nátıjesi sársenbiden erte jarııalanbaıtyn tárizdi.

Buǵan deıin Nıgerııada prezıdent jáne parlament saılaýy bolyp jatqany habarlanǵan bolatyn.