Nıgerııadaǵy qarýly shabýylda 34 sarbaz qaza tapty

ASTANA. KAZINFORM – Malı shekarasyna jaqyn jerde Nıgerııanyń qaýipsizdik kúshteriniń pozıtsııalaryna jasalǵan qarýly shabýyl saldarynan 34 sarbaz qaza taýyp, 14-i jaralandy, dep habarlaıdy Anadoly. 

Eldegi qorǵanys mınıstrliginiń málimetinshe, shabýyl Tıllaberı provıntsııasynda ornalasqan Banıbangý aımaǵynda bolǵan. Vedomstvonyń málimetinshe, áskerı bazaǵa shabýyl jasaǵan lańkesterdiń kim ekeni áli anyqtalmaǵan.

Áskerıler men shabýyldaýshylar arasyndaǵy shaıqasta 34 sarbaz qaza taýyp, 14-i jaralandy. Málimdemede shabýylshylardyń kóbiniń joıylǵany, biraq eshbir toptyń shabýyldy moınyna almaǵany basa aıtyldy.

Malımen shekaraǵa jaqyn ornalasqan Banıbangý eldegi eń mańyzdy áskerı nysandardyń biri. Osy jyldyń 25 sáýirinde oǵan shabýyl jasalyp, 12 sarbaz qaza tapqan.

Buǵan deıin Nıgerııada sodyrlardyń shabýylynan 15 fermer qaza tapqanyn jazdyq.