Nıgerııada joldaǵy mınalardyń jarylýy saldarynan toǵyz adam qaza tapty
ASTANA. KAZINFORM — Nıgerııanyń soltústik-batysyndaǵy Zamfara shtatynda jolǵa ornatylǵan eki mınanyń jarylýy saldarynan toǵyz adam qaza taýyp, birneshe adam jaraqat aldy. Bul týraly Anadolý agenttigi jazdy.
Jergilikti BAQ-tyń habarlaýynsha, oqıǵa Maganı — Dansadaý avtojolynda bolǵan. Eki mına da joldan kólikter ótip bara jatqan sátte iske qosylǵan.
Zamfara shtaty polıtsııasynyń baspasóz hatshysy ıAzıd Abýbakar jarylystar faktisin rastady jáne oqıǵa ornyna qaýipsizdik kúshteriniń tez arada jiberilgenin habarlady. Oqıǵanyń mán-jaıyn anyqtaý úshin tergeý jumystary júrgizilip jatyr.
Nıgerııa birneshe jyl boıy eldiń ártúrli aımaqtarynda qaýipsizdik máselelerine tap bolyp otyr. Qarýlas qylmystyq toptardyń shabýyldaryna qosa, elde «Boko Haram» terrorıstik uıymy men Batys Afrıkadaǵy DAISh (Qazaqstanda tyıym salynǵan – red.) bólimshesi — ISWAP belsendilik kórsetip otyr.
Aıta keteıik, Japonııada 67 kóliktiń qatysýymen aýqymdy jol apaty boldy. Al Fılıppınde jol apatynan 11 adam qaza taýyp, 3 adam jaralandy.