Nıgerııada jol-kólik apatynan 30 adam qaza tapty

ASTANA. KAZINFORM — Nıgerııanyń soltústigindegi Kano shtatynda júk kóliginiń apatqa ushyraýy saldarynan keminde 30 adam kóz jumdy, dep habarlaıdy Daily Post Nigeria.

Jergilikti BAQ málimetinshe, apat jeksenbi kúni tańerteń Gezava jergilikti basqarý aımaǵyndaǵy Kvanar Barde aýdanynda bolǵan.

Gýdjýngý qalasyna baǵyt alǵan tirkeme (treıler) shamadan tys jyldamdyqtyń saldarynan jol-kólik oqıǵasyna ushyraǵan degen boljam bar.

Qaza tapqandardan bólek, kóptegen jolaýshy aýyr jaraqat alǵan. Zardap shekkender medıtsınalyq kómek kórsetý úshin shtattaǵy aýrýhanalarǵa jetkizildi.

Kano shtatynyń gýbernatory Abba Kabır ıÝsýf aman qalǵandarǵa dereý medıtsınalyq kómek kórsetýdi tapsyrdy.

Eske sala keteıik, byltyr Ózbekstanda 2100-den astam adam jol apatynan qaza tapty.