Nıgerııada jol apatynan avtobýstyń 20 jolaýshysy qaza tapty
ABÝDJA.QazAqparat - Nıgerııanyń ońtústik-batysyndaǵy Lagos shtatynda jeksenbi kúni avtobýs pen júk kóliginiń soqtyǵysýynan 20 adam qaza tapty, dep habarlaıdy QazAqparat Sınhýa agenttigine silteme jasap.
Lagos shtatynyń kólik basqarmasy jeksenbi kúni oqıǵanyń Movo qalasyndaǵy jolda bolǵanyn habarlady. Júrgizýshimen birge 20 adam bolǵan avtobýs, úlken jyldamdyqpen kele jatyp, qum men topyraq tıelgen aldyńǵy kólikke soǵyldy. Avtobýstaǵy adamdardyń barlyǵy qaza tapty. Júk kóliginiń júrgizýshisi zardap shekken joq.
Kólik basqarmasynyń málimetinshe, jol apatyna jyldamdyqty arttyrý sebep bolǵan.
Nıgerııada joldyń nasharlyǵyna jáne jyldamdyqty arttyrýǵa baılanysty jol apaty jıi bolady.
