Nıgerııada jyl basynan beri menıngıtten mert bolǵandar sany 156-ǵa jetti

ASTANA. KAZINFORM – Nıgerııada osy jyldyń qańtar aıynan beri menıngıtten kóz jumǵandar sany 156-ǵa jetken.

Nıgerııa Ulttyq aýrýlardy baqylaý jáne aldyn alý ortalyǵy (NCDC) menıngıt indeti qańtar aıynan beri eldegi 23 shtatqa taraǵanyn habarlady, dep jazady Anadoly.

Málimdemede osy aralyqta elde menıngıt juqtyrǵan 1858 jaǵdaı tirkelip, aýrýdan qaıtys bolǵandar sany 156-ǵa jetkeni atap kórsetilgen.

Nıgerııa úkimeti buǵan deıin 2030 jylǵa deıin menıngıtpen kúreste jeńiske jetýdiń jańa sharalaryn jarııalaǵan bolatyn.

Menıngıt – mı men julyndy zaqymdaıtyn jáne búkil denege aýa-tamshyly jolmen taralatyn juqpaly aýrý.

Aıta keteıik, ótken jyly Nıgerııada tyrysqaq indetinen qaıtys bolǵandar sany 359 adamǵa jetken bolatyn.