Nıgerııada jarylys saldarynan bir adam qaza tapty, taǵy beseýi jaraly
ASTANA. QazAqparat - Nıgerııanyń soltústik-shyǵysyndaǵy Maıdýgýrı qalasynda terrorıst-jankeshtiniń shabýyly saldarynan bir adam qaza taýyp, taǵy tórt adam zardap shekti, dep habarlady Reıter agenttigi eldiń qaýipsizdik qyzmetiniń derekkózderine silteme jasap.
Lańkestik jergilikti ýaqyt boıynsha saǵat 7-lerde Nıgerııanyń qaýipsizdik qyzmeti keńsesinen birneshe metr jerde oryn aldy. Keńseniń janynan kólikpen ótip bara jatqan lańkes jarylǵysh zatty iske qosqan, saldarynan bir adam qaza taýyp, tórt adam túrli jaraqattarmen aýrýhanaǵa jetkizildi.
Budan buryn Maıdýgýrı qalasynan 110 shaqyrymda Sabon Garı aýylyna jaqyn jerde jarylys oryn alǵan. Ol kezde tórt adam qaza tapqan. 25 adamnyń ajalyna sebep bolǵan Zarıa qalasynda da jarylys bolǵany habarlandy. Nıgerııalyq Djos qalasynda eki ret bolǵan lańkestik áreketten 50 adam kóz jumǵan. Lańkestikti «Boko Haram» toby basqarady, olar sońǵy aptada 300-den astam adamdy óltirgen.
