Nıgerııada janarmaı tasıtyn kólik jarylyp, 12 adam qaza boldy
ASTANA. QazAqparat – Nıgerııada janarmaı tasıtyn kólik jarylyp, 12 adam qaza boldy, dep habarlaıdy QazAqparat euronews-ke silteme jasap.
Oqıǵa Kogı shtatynda Nıgerııanyń soltústik-ortalyq oblysyndaǵy kúre joldardyń birinde bolǵan. Polıtsııa taratqan málimetke sáıkes, janarmaı quıylǵan avtotsısternanyń tejegishi isten shyqqan. Sonyń kesirinen shossedegi kólikterge soǵylady. 12 adam órtke oranǵan.
Jol qozǵalysy qaýipsizdigin qamtamasyz etý qyzmeti oqıǵa ornyn qorshap, zardap shekkenderdiń jeke basyn anyqtaý jumystaryna kiristi.
Kogı shtatynda qyrkúıek aıynda da osyǵan uqsas apat bolyp, 10 adam qaıtys bolǵan.
