Nıgerııada urlanǵan oqýshy qyzdardyń qaı jerge jasyrylǵany belgili boldy

Nıgerııa qorǵanys shtabynyń bastyǵy Aleks Badeh urlanǵan 200-den astam oqýshy qyzdardyń jasyrylǵan jeri anyqtalǵanyn málim etti, dep jazady RIA Novostı.

«Qyzdar úshin bizdiń olardyń qaı jerde ekenin biletinimiz jaqsy jańalyq, alaıda biz sizderge ol týraly aıta almaımyz», - dedi jýrnalısterge Badeh. Reıter agenttiginiń habarlaýynsha, Nıgerııanyń áskerıleri qyzdardy bosatý úshin kúsh qoldanýǵa múddeli emes.

Esterińizde bolsa, 15 sáýir kúni terrorıstik top Nıgerııanyń soltústiginde mektepke shabýyl jasap, joǵary synyptyń qyzdaryn urlap áketken bolatyn. El Prezıdenti Gýdlak Djonatan áli kúnge deıin oqýshylardyń qaıda ekenin bilmeı otyrǵanyn moıyndaǵan. Al Nıgerııa polıtsııasy olardyń meken-jaıy týraly kez kelgen aqparat úshin 300 myń dollar kóleminde syıaqy taǵaıyndaǵan. Buǵan deıin «Boko Haram» tobynyń radıkaldy ıslamısteri túrmedegi uıym músheleriniń bostandyǵy úshin urlanǵan nıgerııalyq qyzdar bosatylýy múmkin ekenin málim etken.

Sondaı-aq Nıgerııaǵa Ulybrıtanııa, Frantsııa jáne Qytaı ózderiniń kómekterin usynǵan edi. AQSh osy elge kelissózder júrgizý úshin áskerı qyzmetshileri men mamandaryn da jibergen.