Nıgerııada turǵyn úıge qulaǵan ushaq bortyndaǵy 153 adam qaza tapty
ASTANA. 4 maýsym. QazAqparat - Nıgerııada apatqa ushyraǵan "Dana eır" áýe kompanııasynyń ushaǵy qulaǵan jerden ushqyshtardyń sózderi jazylǵan qurylǵy tabyldy.
Búgin jergilikti telearnadan berilgen habarǵa qaraǵanda, ol quqyq qorǵaý organdarynyń qyzmetkerlerine tapsyrylǵan.
Aıta keteıik, "Boıng Makdonnel-Dýglas 83" ushaǵy jeksenbi kúni nıgerııalyq iri qalalardyń biri Lagosta apatqa ushyraǵan bolatyn. Ulttyq azamattyq avıatsııa basqarmasynyń bergen aqparatyna sáıkes, bortta bolǵan barlyq 153 adam qaza tapty. Mert bolǵandardyń sany jerdegi adamdardyń sanyna baılanysty artýy múmkin.
Nıgerııanyń prezıdenti Gýdlak Djonatannyń jarlyǵymen elde 3 kúndik aza tutý jarııalandy. Apat oryn alǵan jerde qutqarýshylar men órt sóndirýshiler jumys isteýde.
Apattyń sebepteri belgisiz. Birqatar BAQ-tyń habarlaýynsha, laıner tehnıkalyq aqaýdyń saldarynan apatqa ushyraǵan, dep habarlaıdy ITAR-TASS.
