Nıgerııada tyrysqaq indetinen kóz jumǵandar sany 156-ǵa jetti

ABÝDJA. KAZINFORM – Nıgerııada tyrysqaq indetinen zardap shekkenderdiń sany 156-ǵa jetti. El boıynsha tyrysqaq juqtyrǵan 4809 adam anyqtaldy, dep jazady Anadoly.

Nıgerııa aýrýlardy baqylaý jáne aldyn alý ortalyǵynyń (NCDC) málimeti boıynsha, 15 shilde men 21 shilde aralyǵynda elde tyrysqaq juqtyrýdyń 170 jaǵdaıy anyqtalyp, aýrýdan úsh adam kóz jumǵan.

Osylaısha, qańtar aıynyń basynan beri Nıgerııada tyrysqaqtan qaıtys bolǵandar sany 156-ǵa jetti.

Jalpy respýblıka boıynsha tyrysqaq ınfektsııasynyń 4809 jaǵdaıy anyqtaldy.

Tyrysqaqty Vibrio bakterııalary týdyrady. Ol tamaq jáne sý arqyly juǵady jáne aýyr dıareıaǵa alyp keledi. Eger ýaqytyly emdelmese, nátıjesi ólimge ákeledi.

Taza sýdyń jetispeýshiliginen basqa, Nıgerııadaǵy juqpaly aýrýlardan juqtyrý jáne ólim qaýpi tıisti medıtsınalyq qyzmetterdiń bolmaýynan kúsheıip ketken.

Elde bezgek, polıomıelıt, ish súzegi jáne maımyl sheshek vırýsy jıi kezdesedi.