Nıgerııada tyrysqaq indetinen 8 adam kóz jumdy

ASTANA. KAZINFORM — Nıgerııanyń soltústik-batysyndaǵy Zamfara shtatynyń Býkkýıým okrýginde tyrysqaq (holera) indeti tarap, keminde segiz adam qaıtys boldy, dep habarlaıdy AZERTADJ.

Aýrý 11 aýyldyq eldi mekende 200-den astam turǵynǵa juqqan. Bul týraly beısenbi kúni jergilikti bılik habarlady.

Medıtsınalyq kómektiń shekteýli bolýy men qaýipsizdiktiń bolmaýy jaǵdaıdy odan ári qıyndatyp otyr.

Tyrysqaq — las sý arqyly taralatyn ınfektsııa. Bul aýrý Nıgerııada jıi kezdesedi, sebebi aýyldyq aımaqtar men qala shetindegi kedeı aýdandarda taza aýyzsý qatty tapshy.

Іndet órshigen aýyldardyń qatarynda Nasarava-Býrkýllý, Gýrýsý jáne Adabký bar. Bul eldi mekenderde jaǵdaı kúrdeli – alǵashqy medıtsınalyq kómektiń jetispeýinen naýqastardyń kóbi úı jaǵdaıynda emdelýge májbúr.

— Qazirgi ýaqytta 21 adam aýrýhanaǵa jatqyzyldy. Al úsh adam Nasarava aýrýhanasyna der kezinde jetkizilmegendikten qaıtys boldy, — dedi Gýrýsý aýylynyń aqsaqaly Muhammad Djıbchı Reuters agenttigine bergen suhbatynda.

Aıta keteıik, Zamfara shtaty — qarýly qylmystyq toptardyń jıi shabýyl jasaıtyn aımaǵy. Jergilikti turǵyndar olardy «qaraqshylar» dep ataıdy. Sońǵy aılarda zorlyq-zombylyq kóbeıip, aýyl sharýashylyǵymen aınalysý men jol júrý halyq úshin qaýipti bolyp ketken. Bul toptar aýyl turǵyndary men jol boıyndaǵy jolaýshylardy jıi urlap, olardan aqsha bopsalaıdy.

Osyǵan baılanysty Nıgerııa Parlamentiniń depýtaty Sýleıman Abýbakar Gýmı Zamfara bıligi men halyqaralyq úkimettik emes uıymdardy shuǵyl áreket etýge shaqyrdy.

Budan buryn Nıgerııada sodyrlar meshitke shabýyl jasap, 27 adamdy atyp ketkeni anyqtaldy.