Nıgerııada terrorıster 73 adamdy urlap áketti

ASTANA. KAZINFORM — Nıgerııanyń Zamfara shtatyndaǵy eki aýylǵa jasalǵan qarýly shabýyl saldarynan 73 adam urlandy, dep habarlaıdy Anadoly.

Jergilikti BAQ-tyń habarlaýynsha, qarýly bandanyń músheleri Zamfara shtatynyń Býzýgý jáne Raıaý aýyldaryna shabýyl jasady.

Shabýyl saldarynan 73 adam urlanyp, kóptegen adamdar jaraqat aldy.

Oqıǵa ornyna qaýipsizdik kúshteri jiberilip, tergeý bastaldy.

Nıgerııa birneshe jyldan beri qarýly bandalar men terrorıstik toptardyń shabýyldaryna tap bolyp keledi. Olardyń arasynda belgili «Boko Haram» uıymy jáne Batys Afrıkadaǵy DAESh-tiń ISWAP bólimshesi bar. Bul toptar eldiń túrli óńirlerinde adam urlaý, shabýyldar men terrorlyq áreketterdi jıi uıymdastyrady.

Nıgerııada adam urlaý qylmysy úshin ólim jazasy qarastyrylǵanymen, adamdardy urlap, olardan aqsha talap etý oqıǵalary jıi kezdesedi.

Qarýly adamdar, ádette, eldiń soltústigindegi aýyldar, mektepter men jolaýshylardy nysanaǵa alyp, aqsha talap etedi.

Budan buryn Nıgerııanyń Katsına shtatyndaǵy meshitke namaz ýaqytynda jasalǵan qarýly shabýylda kem degende 27 adam qaza tapqany anyqtaldy.