Nıgerııada terakt uıymdastyrmaq bolǵan jankeshti qyzdardyń kózi joıyldy
ASTANA. QazAqparat - Nıgerııanyń ózin-ózi qorǵaý kúshteri eldiń soltústik-batysyndaǵy bazarda jarylys uıymdastyrýy tıis bolǵan úsh jankeshtiniń kózin joıdy, dep habarlaıdy Assoshıeıted Press agenttigi azamattyq bılik ókilderi men áskerı qyzmetshilerge silteme jasap.
Agenttiktiń habarlaýynsha, jankeshti qyzdardyń kózi olar Madagalı qalasynyń mańyndaǵy aýylǵa jaqyndaı bergen jerde joıyldy. Qyzdar qasha jónelgen, biraq atylǵan oq jarylǵysh zatqa tıip, olar qaza boldy. Úshinshi lańkes qyz qashý barysynda óltirildi, dep jazdy «RIA Novostı» agenttigi.
Jergilikti bılik teraktini "Boko Haram radıkaldy toby uıymdastyrmaq boldy degen paıymda.
"Boko Haram" - Nıgerııadaǵy radıkaldy top. Onyń sodyrlary bilim berýdiń batystyq úlgisine qarsy jáne el aýmaǵyna sharıǵat zańdaryn engizýdi kózdeıdi. Top Nıger, Kamerýn jáne Chadta júrgizilgen áskerı naýqandarǵa jaýap retinde teraktilerdi jıi uıymdastyryp turady.
