Nıgerııada sodyrlar toǵyz adamdy atyp ketti
PRETORIıA. QazAqparat - Nıgerııanyń ortalyǵyndaǵy meshitte sodyrlar kem degende toǵyz adamdy óltirdi. Bul týraly QazAqparat Agence France-Presse (AFP) agenttigine silteme jasap habarlaıdy.
Nıger memlekettik polıtsııasynyń ókili Balý Kýrıasanyń aıtýynsha, 8 jeltoqsanda bir top qarýly adam Bare aýylyna shabýyl jasaǵan. «Sodyrlar meshitke oq jaýdyryp, toǵyz adamdy óltirip, taǵy birneshe adamdy jaralady», - dedi Kýrıasa.Sonymen birge, AFP agenttiginiń jergilikti turǵyn Amadý Hamısýdyń sózine silteme jasap habarlaýynsha, aýylda 16 adam qaza tapqan.
Aımaqqa qosymsha polıtsııa kúshteri jumyldyryldy, sodyrlardy izdeý jumystary júrip jatyr. Ázirge bolǵan oqıǵaǵa jaýapkershilikti eshkim alǵan joq.
