Nıgerııada sodyrlar shabýylynan 20 adam qaza tapty
NUR-SULTAN. QazAqparat - Nıgerııanyń soltústik -batysyndaǵy Sokoto shtatyndaǵy bazarǵa sodyrlardyń shabýylynan keminde 20 adam qaza tapty, dep habarlaıdy QazAqparat Reuters agenttigine silteme jasap.
Shtat bıliginiń málimdemesine qaraǵanda, mototsıklge mingen sodyrlar beı -bereket oq atqan.
Nıgerııanyń soltústik jáne ortalyq birneshe aımaqtarynda sońǵy aılarda qarýly toptardyń beıbit turǵyndarǵa qarsy shabýyldarynyń kúsheıgendigi baıqaldy. Eń kóp shabýyl Zamfara, Nıger, Kadýna, Sokoto jáne Katsına shtattarynda tirkeldi. Qaraqshylar adamdardy óltiredi, kepilge alady, mal urlaıdy, turǵyndardy qorqytady, ár túrli alymdar alady.
Mundaı jaǵdaılarda bılik qaraqshylarmen kúresý úshin arnaıy polıtsııa men ásker bólimderin qoldanýǵa májbúr. Jekelegen aýyldar men eldi mekenderdi qorǵaý úshin jergilikti mılıtsııa bólimsheleri de qurylýda.
