Nıgerııada sodyrlar eki aýyldyń 20-dan astam turǵynyn óltirip ketti
NUR-SULTAN. QazAqparat - Nıgerııada seısenbi kúni eki aýyldyń kem degende 23 adamy qarýly sodyrlar jasaǵan shabýyldyń qurbany boldy, dep habarlaıdy Agence France-Press.
Jergilikti basshylyq ókiliniń aıtýynsha, qyrǵyn saldarynan kem degende 23 adam qaza tapqan.
Sodyrlar egis tanabynda júrgen aýyl turǵyndarynyń izine túsip, olar tyǵylýǵa áreket etkende atyp óltirgen.
Shabýyldyń Zamfara shtatynda bolǵany atap ótiledi. Atys bolǵan aýmaqqa qaýipsizdikti ornyqtyrý úshin qosymsha kúshter jiberildi.
