Nıgerııada sodyrlardyń shabýylynan 15 fermer qaza tapty
ASTANA. KAZINFORM – Nıgerııanyń soltústik-batysyndaǵy Kebbı shtatynda qarýly sodyrlar fermerlerge shabýyl jasap, 15 adam qaza tapty, taǵy úsheýi jaraqat aldy. Bul týraly jergilikti buqaralyq aqparat quraldary habarlady, dep jazady Anadoly.
Oqıǵa Danko-Vasagý okrýginde boǵan. BAQ derekterine qaraǵanda, fermerler egistikke bara jatqanda Lakurawa atty toptyń shabýylyna ushyraǵan.
Kebbı shtaty gýbernatorynyń orynbasary Ýmar Tafıda oqıǵa ornyna baryp, qaza bolǵandardyń otbasyna kóńil aıtty. Ol bılik aýyl sharýashylyǵy jerleriniń qaýipsizdigin qamtamasyz etý úshin barlyq qajetti sharany qabyldaıtynyn jáne fermerlerdiń óz jumysyn jalǵastyrýyna múmkindik jasalatynyn málimdedi.
Lakurawa toby bıylǵy qańtarda resmı túrde terrorıstik uıym dep tanylǵan bolatyn. Nıgerııada «Boko Haram» men ISWAP sııaqty qarýly toptar men terrorıstik uıymdardyń shabýyldary áli de jalǵasyp jatyr.
Aıta keteıik, buǵan deıin Nıgerııanyń shyǵysyndaǵy Benýe shtatynda birqatar qarýly shabýyldan 23 adam qaza tapqanyn jazdyq.
BUU Nıgerııada 600 myńnan astam bala ashtyqtan ólip ketýi múmkin ekenin málimdedi.