Nıgerııadaǵy shahtada kómirqyshqyl gazyna ýlanyp 37 kenshi qaza tapty

ASTANA. KAZINFORM — Nıgerııada jer asty ken óndirý ýchaskesinde jumys istep jatqan 37 kenshi kómirtek totyǵynan ýlanyp, kóz jumdy. Bul týraly Belta The Cable portalyna silteme jasap, habarlady.

Qaıǵyly oqıǵa Nıgerııanyń ortalyq bóligindegi Plato shtatynda, Zýrak eldi mekeniniń mańynda bolǵan. Jasy 20 men 35 aralyǵyndaǵy kenshiler jer qazý jumystaryn júrgizip jatqan kezde kómirtek totyǵymen ýlanyp, esinen tanyp qalǵan. Ókinishke qaraı 37 adamnyń bári til tartpaı ketken. Al 25 adam jaqyn mańdaǵy medıtsınalyq mekemelerge jetkizilgen. 

Polıtsııa oqıǵa ornyn qorshaýǵa alyp, qaıǵyly oqıǵanyń sebepterin anyqtaý maqsatynda tergeý júrgizip jatyr.

Eske sala keteıik, buǵan deıin Úndistanda kómir shahtasyndaǵy jarylystan 15 kenshi qaza tapqan edi.

Ońtústik Afrıkadaǵy Stılfonteın shahtasynan 78 zańsyz kenshiniń denesi tabylǵan bolatyn.