Nıgerııada musylmandar men hrıstıandar arasynda bolǵan qaqtyǵystarda 200 adam qaza tapty
ASTANA. Qańtardyń 20-sy. QazAqparat - Nıgerııanyń Jos qalasynda musylmandar men hrıstıandardyń arasynda oryn alǵan qaqtyǵystardyń saldarynan 200-ge jýyq adam qaza tapty.
Eldiń vıtse-prezıdenti Gýdlak Djonatan seısenbi kúni áskerge elde tártip ornatýǵa buıryq berdi, dep habarlaıdy «Azattyq» radıosy.
Jos qalasynyń tóńiregindegi eldi mekenderde aptanyń bas kezinde tutanǵan bul qandy qyrǵynǵa jergilikti ákimshiliktiń byltyrǵy dinaralyq qaqtyǵys kezinde qıraǵan úılerdi qalpyna keltirmek nıeti sebep bolǵan.
Jos qalasy soltústiginde musylmandar, al ońtústiginde hrıstıandar basym qonys tepken aýmaqtyń shekarasynda ornalasqan. Bul jerde dinaralyq qaqtyǵystar jıi oryn alyp turady.
