Nıgerııada meshitte bolǵan jarylys saldarynan 26 adam qaza taýyp, 30-dan astamy jaraqattandy
ASTANA. QazAqparat - 30 mamyrda Nıgerııadaǵy Borno soltústik-shyǵysynyń shtatynyń ákimshilik ortalyǵy - Maıdýgýrı qalasynyń meshitinde bolǵan jarylys saldarynan kem degende 26 adam qaza taýyp, taǵy 30-dan astam jaraqattandy. Bul týraly TASS habarlaıdy.
Jergilikti BAQ málimetterinshe, «Boko haram» radıkaldyq tobyna qatysy bolýy múmkin jankeshti ózin meshittiń ishinde jaryp jibergen.
Lańkestik áreket aımaqtaǵy sodyrlarmen kúresýge ýáde bergen prezıdent Muhammadý Býharıdi ulyqtaý rásiminen keıin kelesi kúni bolǵan. Óz sózinde ol «Boko haramdy» «ıslamnan barynsha qashyqtaǵan naqurystar men kápirlerden» turatyn top dep ataǵan.
Býharı sondaı-aq Maıdýgýrıde radıkaldarǵa qarsy kúres júrgizetin áskerı komandovanıeniń jańa ortalyǵy ornalasatynyn habarlaǵan. «Abýdjada basshylyq ortalyq bolmaı, jeńiske jetýge bolmas», - dedi prezıdent. Sonymen birge, ol 2014 jyldyń sáýir aıynda Chıbok qalasynda ekstremıster urlaǵan 200-den astam qyz balany bosatý úshin qoldan keletinniń bárin jasaıtynyn qosyp aıtty.
