Nıgerııada mektep qulap, 22 adam qaza tapty

ASTANA. KAZINFORM—Juma kúni Nıgerııa ústirtindegi eki qabatty mektep ǵımaratynyń qulaýynan kem degende 22 adam qaza tapty, taǵy 132 adam zardap shekti, dep jazady Sınhýa.

Plato shtatynyń ákimshilik ortalyǵy Djos qalasyndaǵy bastaýysh jáne orta mektep ǵımaraty juma kúni tańerteń balalar emtıhan tapsyryp jatqan kezde qulady.

Ǵımaratta birneshe synyptar men keńse boldy.

Juma kúni keshke qutqarýshylar úıindilerden 22 adamnyń máıiti men 132 tiri qalǵandardy alyp shyqty, olardyń altaýy aýyr jaǵdaıda, dep habarlady Plato shtatynyń Aqparat jáne kommýnıkatsııalar jónindegi komıssary Mýsa Ashoms.

Plato gýbernatory Kaleb Mýtfvang bul oqıǵany "memleket úshin úlken shyǵyn" dep atap, úıindi astynda qalǵandardy qutqarý úshin bar kúshti salýǵa shaqyrdy.